#Кыскача яңалыклар 23 ноябрь 2018, 07:10

Суд приставлары 6 яшьлек баланы коткарган

23 ноябрь 2018, 07:10

Әлмәттә алты яшьлек кыз әбисе белән яшәгән. 69 яшьлек пенсионер хатын үзенең дә тормышы җитеш булмаганга, балага тиешле шартларны тудыра алмаган.

Скопировать ссылку

Әлеге фатирда санитария таләпләре үтәлмәве ачыкланган. Кыскасы, суд приставлары баланың мондый хәлдә икәнен күреп тиешле чарасын күргәннәр. Суд сабый әтисенең әнисендә, ягъни икенче дәү әнисендә яшәсен дип карар чыгарган. Оныгын карап үстергән дәү әнисенең баласын бирәсе килмәсә дә, судка каршы килә алмаган.

Суд приставларының эшендә балигъ булмаган балалар белән бәйле вакыйгалар, сабыйларның яшәү урыннарын билгеләү бик катлаулы мәсьәлә. Мондый вакытта суд приставлары баланың эмоциональ халәтен, куркуларын, психологиясен исәпкә алып эш итә.

Кызыклы яңалыкларны күзәтеп бару өчен безнең МАХ каналына кушылыгыз.