Сыерларга субсидия кабат биреләчәк

Утырыш вакытында авыл хуҗалыгы һәм азык- төлек министры урынбасары Ришат Хәбипов бар авыл халкын да борчыган мәсьәләне күтәргән: «Авыл хуҗалыгында сөтне сыйфатына, күләменә карап 19-24 сумнан саталар. Әмма халыктан литрын 13-18 сумнан гына җыялар». Авыл халкына ярдәм йөзеннән, сыерлар асраучы шәхси хуҗалыкларга субсидия бирү турындагы программаны 2019 елда озайтырга дигән карар кабул ителгән. Кыскасы, хуҗалыкта бер сыер өчен – 2 мең сум, ике сыеры булганнар – 3шәр мең, өч һәм аннан да күбрәк сыерлы кешеләр һәр мал башына 4әр мең сум субсидия алачак.