#Кыскача яңалыклар 09 август 2016, 12:45

Сыйфатсыз бензин шәхси эшмәкәрләр ачкан заправкаларда күбрәк сатыла

09 август 2016, 12:45

Машина ягулыгының бәясе һәм аның сыйфаты халык арасында зур кызыксыну тудыра. Сыйфатсыз мотор ягулыгы куллану аркасында машина йөртүчеләр тимер атларының ватылуынан да гел зарланып тора. «Татарстан Республикасында ягулык-энергетика чыганакларының сыйфатын һәм аларны нәтиҗәле куллануны тәэмин итү идарәсе» оештырган кайнар линиягә алардан шалтыратулар еш кабул ителә. 2016 елның беренче яртыеллыгында, сыйфатсыз...

Скопировать ссылку

Сыйфатсыз бензин шәхси эшмәкәрләр ачкан заправкаларда күбрәк сатыла

Татарстанның Министрлар Кабинетында узган брифингта идарә җитәкчесе Роберт Гыйләҗиев журналистларга шундый саннар китерде. Аның әйтүенчә, сыйфатсыз бензин күбесенчә шәхси эшмәкәрләр ачкан заправкаларда сатыла.

- Ел дәвамында безнең хезмәткәрләр аларны тикшерүгә чыга. Кайнар линиядән килеп ирешкән шикаятьләрнең берсен дә җавапсыз калдырмыйбыз. Бензин сыйфаты күрсәткечләре ГОСТ таләпләренә җавап бирмәгән оешмалар буенча материалларны прокуратура тикшерә. Бүгенге көндә прокуратурада өч автоягулык хуҗасына карата ачылган материаллар ята, - ди ул.

2015 елда республикада 2 миллион 250 мең тонна ягулык кулланылган, шуларның 1 миллионы 114 меңе дизель ягулыгына, 1 миллион 20 меңе бензинга, 115 меңе газга туры килә. Татарстанда җитештерелгән дизель ягулыгы республиканы бу төр ягулык белән тулысынча тәэмин итәргә мөмкинлек бирә. Ә менә бензин кирәкле күләмдә җитештерелми. Нибары 680 меңе генә үзебезнеке. Шуңа да аны, нигездә, Пермьнән, Башкортстаннан кертәләр. Ягулык салу станцияләренә килгәндә, алар республикада 1 мең тирәсе.

Кызыклы яңалыкларны күзәтеп бару өчен Т елеграмга кушылыгыз.

#250