#Кыскача яңалыклар 27 ноябрь 2023, 10:51

«Тәмле Казан» фестивале 2023 елның илкүләм вакыйгасы дип танылды

27 ноябрь 2023, 10:51

Шулай ук ТР башкаласы «Идел буе кунакчыллыгы йолдызлары» конкурсын уздырган өчен Russian Event Awards бүләгенә лаек булды.

Скопировать ссылку

Казан проектлары Вакыйгалы туризм өлкәсендә XII халыкара премия Russian Event Awards финалында иң яхшыларның берсе дип танылды. Жюри Татарстан башкаласында «Тәмле Казан» гастрономия фестивален һәм «Идел буе кунакчыллыгы йолдызлары» төбәкара һөнәри осталык фестивален үткәрүне югары бәяләде.

Проектлар презентациясе 23 нче ноябрьдә Түбән Новгородта узды. Чыгышлар нәтиҗәләре буенча эксперт жюри җиңүчеләрне билгеләде. Ә 24 нче ноябрьдә халыкара премия лауреатларын бүләкләү тантанасы узды. Аның нәтиҗәләре буенча Казан ике бүләк алды. «Туризм өлкәсендә иң яхшы MICE вакыйга» номинациясендә икенче урын Казанга «Идел буе кунакчыллыгы йолдызлары» төбәкара һөнәри осталык фестивале проекты өчен бирелде. Иң югары бүләк – «2023 елгы илкүләм вакыйга» номинациясендә Гран-прига Татарстан Республикасы башкаласы «Тәмле Казан» гастрономия фестивален үткәргән өчен лаек булды.

Быел Халыкара премиягә Россиянең 65 төбәгеннән 641 проект һәм Белоруссиянең ике төбәгеннән җиде проект тапшырылган, дип хәбәр иттеләр Казанның туризмны үстерү комитетында.

Кызыклы яңалыкларны күзәтеп бару өчен безнең МАХ каналына кушылыгыз.