#Кыскача яңалыклар 05 март 2019, 11:12

Танылган фотограф Шамил Абдюшев вафат

05 март 2019, 11:12

Озакка сузылган авырудан соң танылган фотограф Шамил Абдюшевның йөрәге тибүдән туктаган. Бу хакта "ШК"га аның дусты хәбәр итте.

Скопировать ссылку

Ул озак еллар "Шәһри Казан"ның да штаттан тыш фотохәбәрчесе булып эшләде. Быел җәй аңа 70 яшь тулган булыр иде.

- Фото эшендә кумирым танылган фотохәбәрче мәрхүм Исмәгыйл Ишмөхәммәтов иде. Үзем исә динамика яратам. Спорт ярышларында булырга, андагы иң хәлиткеч мизгелләрне «тотып алырга» тырышам, - дигән иде "Шәһри Казан"га журналистларның «Бәллүр каләм» иясе (2007) Шамил Абдюшев.

Текстиль сәнәгате институтын алтынчы курста юкка гына ташлап китмәгән Шамил Абдюшев. Нәкъ шул вакытта фотоаппарат бүләк иткән аңа әтисе. Шушы фотоаппарат аны армиядә дә, аннан кайткач та иң кирәкле кеше итә. Тора-бара КФУда фотожурналистика серләренә тирәнтен төшенә. Ә инде ишектән кусалар, тәрәзәдән керү серләрен аны тормыш үзе өйрәтә.

Шамил Абдюшевны иртәгә сәгать 11:00дә Казанның Мәүлетов урамы 37 йорт, 58нче фатирда соңгы юлга озаталар. Якыннарының кайгысын уртаклашабыз...

Шамил Абдюшевны соңгы юлга озату иртәгә сәгать 11:00ләрдә Казанның Мәүлетов урамы 37 йорт, 58нче фатирда булачак. Якыннарының авыр кайгысын уртаклашабыз. Иннә лилләһи вә иннә иләһи рәҗигун. Тулырак: http://matbugat.ru/news/?id=24768

Кызыклы яңалыкларны күзәтеп бару өчен Т елеграмга кушылыгыз.

#Шамил Абдюшев #фотограф