#Кыскача яңалыклар 15 октябрь 2018, 13:04

Камил хәзрәт Сәмигуллин: «Гамәл дәфтәребез үзебез исән булганда ябылмас, ләкин үлем дә кисәтеп килмәс»

15 октябрь 2018, 13:04

Татарстан мөфтие Камил хәзрәт Сәмигуллин үзенең Instagramдагы @kamilhazrat рәсми битендә: "Башыбызга килә торган уй-фикерләр дүртәү, алар: Аллаһтан, фәрештәләрдән, шайтаннан һәм үзебезнең нәфесебездән була дигән.

Скопировать ссылку

Аллаһтан килә торган фикерләр кешене туры юлга этәрә, гафиллектән уята. Фәрештәләрдән килгән фикерләр гыйбадәтләребезне көчәйтергә, нык булырга өнди. Шайтаннан килгән фикерләр исә гөнаһлы эшләрне матурайталар. Нәфесебездән килгән фикерләр буш гамәлләр эшләргә, мәгънәсез нәрсәләр белән шөгыльләнергә этәрә. Бу дөньяга алданып яшәмәсәк иде. Һәрбер әйбернең дә чиге бар, моны барыбыз да белә. Гамәл дәфтәребез үзебез исән булганда ябылмас, ләкин үлем дә кисәтеп килмәс. Соңга калганчы, бүгеннән башлыйк" , – дип язып куйган.

Кызыклы яңалыкларны күзәтеп бару өчен безнең МАХ каналына кушылыгыз.

#Камил хәзрәт Сәмигуллин