Татарстанда кар кайчан эреп бетәчәк?

«Кар катламының биеклеге 50 сантиметр. Температура 6 градуска күтәрелгәч, кар тиз эриячәк. Һәм бөтен су түбән урыннарга китәчәк", - дип белдергән КФУның метеорология кафедрасы профессоры Юрий Переведенцев "Вести-Татарстан" телеканалына.

Апрель өчен төгәл фаразны белгечләр 23 мартта гына хәбәр итә алачак. Әмма хәзер үк, синоптик сүзләренчә, апрель мартка караганда җылырак булачак дип әйтергә мөмкин. Әгәр яз иртә килә икән, кар инде ай ахырында эрергә тиеш.