#Кыскача яңалыклар 18 март 2021, 14:00

Татарстан УФАСы февральдә республикада бәяләр арту мәсьәләсен тикшерә

18 март 2021, 14:00

Федераль антимонополия хезмәтенең Татарстан буенча бүлегенең җитәкче урынбасары Андрей Розенталь сүзләренчә, кышның соңгы аенда республикада тавык итенә бәя 6,2 процентка арткан.

Скопировать ссылку

“Без үзебезнең җитештерүчеләребезне тикшерәбез. Бәя артуның сәбәбе — әлегә безгә билгеле бер урында кошларның баш саны кимүе, дип аңлаталар. Без бу фактның дөреслеген ачыклыйбыз”, - ди Андрей әфәнде.

Ул шулай ук татарстанлыларның соңгы вакытта йомырка һәм ипигә бәяләр артуга еш зарлануын да искәртте.

Моннан тыш Татарстанда туң балык, яшелчәләр һәм алма 5 процентка кыйммәтләнүе мәгълүм.

Кызыклы яңалыкларны күзәтеп бару өчен безнең МАХ каналына кушылыгыз.

#УФАС