Татарстан үзизоляция режимыннан чыгу буенча үз планын әзерли

Моның буенча 5 майга кадәр план әзерләргә кушты. Татарстан Президентының матбугат үзәге җитәкчесе Лилия Галимова журналистларга хәбәр иткәнчә, Татарстан үзизоляция режимыннан чыгуның үз планын булдырачак, чөнки бу төбәктәге санитар-эпидемиологик вазгыять белән бәйле. Планның схемасы Президентка һәр көн тапшырыла торган хакимият, Роспотребнадзор һәм Сәламәтлек саклау министрлыкларының докладларына нигезләнеп төзелә, диде ул. Республика федераль план өчен дә үз тәкъдимнәрен әзерли.