#Кыскача яңалыклар 22 июль 2019, 13:52

Татарстанда 2021 елга илкүләм проектларны финанслау 7,4 миллиард сумга арттырылачак

22 июль 2019, 13:52

2019-2021 елларда Татарстанда илкүләм проектларны гамәлгә ашыруга 52,1 миллиард сум акча юнәлдереләчәк. Шуның 34,1 миллиарды – федераль, 18 миллиарды ТР бюджетыннан бүлеп биреләчәк. Бу хакта «Татар-информ» агентлыгына республика икътисад министры Фәрит Габделганиев хәбәр итте.

Скопировать ссылку

«Илкүләм проектларны финанслауны 7,4 миллиард сумга арттыру турында карар кабул ителде. Өстәмә акчалар «Демография» һәм «Сәламәтлек саклау» илкүләм проектларын гамәлгә ашыруга юнәлдереләчәк», - дип ачыклык кертте Габделганиев.

Министр сүзләренчә, өстәмә финанслау илкүләм проектларны гамәлгә ашыруның нәтиҗәлелеген арттырырга һәм татарстанлыларның тормыш сыйфатын күтәрергә мөмкинлек бирәчәк.

Татар-информ

Кызыклы яңалыкларны күзәтеп бару өчен Т елеграмга кушылыгыз.

#илкүләм проект