Татарстанда 35,8 мең гектар авыл хуҗалыгы җирләре әйләнешкә кайтарылган

Иң күп җир – 8,4 мең гектардан артык – Әлмәт муниципаль районында әйләнешкә җәлеп ителгән. Аерым алганда, аукционнарда фермерларга, шәхси эшмәкәрләргә һәм авыл хуҗалыгы җитештерүчеләренә муниципаль милектә булган 792,7 гектар файдаланылмый торган җирләр арендага бирелгән. 
Бөгелмә районында Ишмөхәммәтов КФХсы «Карабаш» агрофирмасы белән гомуми мәйданы 1 мең га булган килешү төзегән.җир массивы чүп үләннәреннән тулысынча чистартылган, һәм быел яз фермер анда язгы бодай һәм көнбагыш чәчәргә планлаштыра. 
Зәй районында элек файдаланылмый торган 2,3 мең гектар җирнең 2 мең гектары әйләнешкә кертелде һәм эшкәртелде.калган 235 гектарын быел да эшкә кайтару планлаштырыла. 

Узган ел Россиядә авыл хуҗалыгы әйләнешенә барлыгы 450 мең гектар сөрүлек кертелгән, - дип сөйләде бүген РФ Хөкүмәте рәисе Михаил Мишустин, 2022 елда Министрлар Кабинеты эше турында хисап белән чыгыш ясаганда.