#Кыскача яңалыклар 17 сентябрь 2021, 12:47

Татарстанда 4,7 мең укучы классларга кертелмәгән

17 сентябрь 2021, 12:47

Татарстанда беренче сентябрьдән алып иртәнге фильтр вакытында температурасы күтәрелгән һәм ОРВИ симптомнары булган 4,7 мең укучыны укудан читләштергәннәр.

Скопировать ссылку

Бу хакта ТР буенча Роспотребнадзор идарәсе җитәкчесе урынбасары Любовь Авдонина сөйләде. "Үткән тәүлектә дәресләр алдыннан үткәрелүче фильтр вакытында температурасы күтәрелгән яки кискен респиратор-вируслы инфекция симптомнары булган 511 баланы укуга кертмәгәннәр", - дип билгеләде санитар табиб.

Уку елы башыннан бирле 4 749 баланы дәресләргә кертмәгәннәр. Любовь Авдонина билгеләп үткәнчә, Татарстан уку йортларында биш коронавирус очрагы теркәлгән, шуларның-өчесе педагоглар, икесе-укучы балалар. Бу ңайдан, Любовь Авдонина балаларны инфекцияләрдән саклау өчен, гриппка каршы прививка ясатырга киңәш итте.

Исегезгә төшерәбез, 6 сентябрьдән Татарстанда гриппка каршы вакцинация башланды. Прививканы яшәү урыны буенча поликлиникада ясатырга мөмкин.

Коронавируска каршы вакцина ясату да дәвам итә. Россия президенты Владимир Путин да бу юнәлештә аңлату эшләрен активлаштырырга дип белдергән иде.

Кызыклы яңалыкларны күзәтеп бару өчен безнең МАХ каналына кушылыгыз.

#Ковид, пандемия, коронавирус #Владимир Путин, Путин, Президент