#Кыскача яңалыклар 16 март 2021, 13:36

Татарстанда баш табибны хезмәткәрләренең премияләрен үзенә алганы өчен кулга алганнар

16 март 2021, 13:36

ТР гигиена һәм эпидемиология үзәгенең Буа, Чүпрәле һәм Апас районнары баш табибы Анатолий Никифоровны үзенең хезмәткәрләреннән премияләрен тартып алуда гаеплиләр.

Скопировать ссылку

Беренчел мәгьлүматларга караганда, 2007 елдан бирле баш табиб кул астында эшләүче хезмәткәрләргә бирелгән премияләрне үзенә кайтаруны таләп иткән. Аның бу таләбенә каршы төшкән очракта, эштән алу белән янаган. Икътисади куркынычсызлык идарәсе һәм ТР буенча Эчке эшләр министрлыгының коррупциягә каршы тору хезмәткәрләре ачыклаганча, Никифоровның хезмәттәшләре үзләренә тиешле акчаларны банкоматлардан алып аңа тапшырган.

Табиб кулына кергән премияләрнең гомуми суммасы 600 мең сумнан артып киткән. Моннан тыш, тикшерү Никифоров башка җинаятьчел эпизодларга да катнашы булырга мөмкин дип уйлый. Баш табибны вазыйфаи вәкаләтләрен арттыруда гаеплиләр.

Узган җомгада Буа шәһәр суды Анатолий Никифоровны ике айга өй аресты астына җибәрде.

Кызыклы яңалыкларны күзәтеп бару өчен Т елеграмга кушылыгыз.

#Ришвәт #взятка