#Кыскача яңалыклар 15 март 2022, 15:36

Татарстанда битлекләрне кайчан салдыралар?

15 март 2022, 15:36

Казан шәһәре думасы депутаты Михаил Кузнецов төбәк Роспотребнадзорыннан Татарстанда битлек режимын гамәлдән чыгаруны сорады.

Скопировать ссылку

Моннан тыш, Кузнецов предприятиеләрдә ковидка каршы чараларны да гамәлдән чыгаруларын сорады. Боларга, беренче чиратта, эш урыннарындагы бүлемнәрне алу һәм мәҗбүри рәвештә температура үлчәү. Шулай ук Кузнецов төннәрен җәмәгать туклануы эшен тыюны гамәлдән чыгаруга ирешергә тели.

Кузнецов фикеренчә, бу хәзер болай да санкцияләр аркасында авыр хәлдә калган бизнеска ярдәм итәчәк, ә эшкуарлар кайбер штрафлардан кача алачак.

Бүгенге көндә битлек кию режимы Мәскәү, Марий Эл, Чечняда, шулай ук Кемерово һәм Тамбов өлкәләрендә гамәлдән чыгарылган.

Кызыклы яңалыкларны күзәтеп бару өчен безнең МАХ каналына кушылыгыз.

#Ковид, пандемия, коронавирус