Татарстанда быел күпме нефть чыгарырга планлаштырылуы мәгълүм

Агымдагы елда Татарстанда 36 млн тонна нефть чыгару планлаштырыла. Бу хакта Татарстан Президенты Рөстәм Миңнеханов Дәүләт Советына еллык Юлламасы вакытында  хәбәр итте.

Билгеле булганча, 2021 елда республиканың нефть компанияләре 34,5 млн тонна кара алтын чыгарган иде.

“Без “Татнефть” компаниясенә рәхмәтле. Ул системалы рәвештә чит ил әйберләрен алмаштыру белән шөгыльләнә һәм тышкы тәэсирләрне җиңеп бара. Бу үзебездә җитештерелгән җиһазлар белән эшләүнең үрнәге”, - диде Рөстәм Миңнеханов.