Татарстанда эшкуарлар тарафыннан яңа ташламалы программа буенча кредитларга 3 млрд сумнан артык суммага гариза бирелгән

«Инвестиция максатларына 1 млрд сумга кадәр кредитларны инде эшкәртү производстволары, кунакханә бизнесы, транспорт белән ташу һәм логистика предприятиеләре ала ала. Киметелгән ставка – урта бизнес өчен 3 %, кече һәм микробизнес өчен 4,5 %. Әлеге ташламалы шартларда беренче атнада республика эшкуарларына 250 млн сумнан артык кредит бирелде», – дип хәбәр итте Татарстан Республикасы Икътисад министрлыгының Эшкуарлыкны һәм көндәшлекне үстерү департаменты җитәкчесе урынбасары Эмиль Хисмәтов.

Компанияләр ташламалы кредитларны төрле инвестиция максатларына алалар. Әйтик, бер шәхси эшкуар алынган акчаны яңа производство оештыру өчен күчемсез милек сатып алуга юнәлтәчәк. Икенчесе –пластик тәрәзәләр чыгару буенча производство корпусы төзелешенә. Банкларга республика эшкуарларыннан барлыгы 3,1 млрд сумнар артыклык 26 гариза кергән.

Программа өстенлекле тармакларда инвестицияле кредитлау мәсьәләсен хәл итәргә мөмкинлек бирә һәм эшкуарлар өчен бизнесны үстерүгә этәргеч бирәчәк. Алынган финанс ярдәме җиһазларны тизрәк сатып алырга һәм продукция җитештерүне оештырырга мөмкинлек бирәчәк.

Кредитка гаризаны Татарстан Республикасында тәкъдим ителгән 18 банкның берсендә гариза тапшырып бирергә, шулай ук кече һәм урта эшкуарлык субъектларының Цифрлы платформасында бирергә мөмкин.

«5 сентябрьдән КУЭ.РФ Цифрлы платформасында нәкъ менә шушы программа буенча килешүләр алып бару буенча махсус ярдәмче сервис эшли башлады. Квалификацияле белгечләр эшкуарларга килешүләр төзергә булыша, шулай ук программа, таләпләр, документлар буенча киңәш бирә һәм банклар белән аралаша. Безгә мөмкин кадәр күбрәк проектларның тормышка ашырылуы һәм кәгазьдә генә калмавы бик мөһим», – дип билгеләп үтте КУЭ корпорациясе генераль директоры Александр Исаевич.

Яңа ташламалы программаны эшләтеп җибәрү турындагы карарны РФ Хөкүмәте рәисе Михаил Мишустин имзалады. Процент ставкаларын төп күрсәткечләрдән түбәнрәк билгеләргә кече һәм урта эшкуарлыкны үстерү буенча илкүләм проект («1764» программасы) кысаларында процент ставкасын субсидияләүне һәм Россия Банкы һәм КУЭ Корпорациясе белән берлектә гамәлгә ашырыла торган кредит бирүне стимуллаштыру программасы (ПСК) буенча ташламалы фондны бергә кушу нәтиҗәсендә мөмкин булды. 

Федераль программада катнашучы банкларның, шулай ук ОКВЭД кодларының тулы исемлеге Татарстан Республикасы Икътисад министрлыгысайтында урнаштырылган.