#Кыскача яңалыклар 07 февраль 2022, 09:50

Татарстанда эт тешләгәннән соң бер баланың борынын теккәннәр

07 февраль 2022, 09:50

«Кама балалар медицина үзәге» табиб-оториноларингологы Эдуард Петров сүзләренә караганда, Тукай районында эт һөҗүм иткән малайга кирәкле ярдәм күрсәтелгән, дип хәбәр итә "Татарстан-24".

Скопировать ссылку

«Эт баланың борынын тешләгән. Яраны тектек. Котыру чиренә вакцинация ясадык. Бала хәзер тотрыклы хәлдә. Дәвалау дәвам итә", - дип хәбәр итте ул. Баланың әтисе сүзләренчә, барысы да секунд эчендә килеп чыккан. Ишегалдын кардан чистарткан арада, кинәт этләр өере килеп чыккан, аларның берсе балага ташланган да, борынын тешләгән. Бала канга баткан. Ир-ат улын машинага утырткан һәм тиз генә хастаханәгә киткән, дип хәбәр итә Чаллы телекомпаниясе.

Кызыклы яңалыкларны күзәтеп бару өчен Т елеграмга кушылыгыз.