Татарстанда җиләккә барган ир-ат аюдан чак качып котылган

Бу көннәрдә генә Уразбахты белән Дегетле авыллары арасында - халык җиләккә иң күп йөри торган урында, бер ир кеше аю күргән.

Болындагы җиләклек кеше күп йөреп тапталып беткән булгач, җиләкче урман янындагы аланлыкка кереп чыкмакчы булган. Ир кеше җирдә авып яткан җиләкле чиләкне дә биредә җиләк җыючыныкыдыр дип әллә ни игътибар итмәгән. Урман эчендә агач ботаклары сынган тавышны да кеше йөргәннән дип кенә уйлаган. Әмма яхшылап караганнан соң, арт аякларына басып, агачтан нәрсәдер үрелеп алырга тырышкан аюны күреп, тизрәк машинасына утырып өенә кайтып киткән, дип яза mamadysh-rt.ru.