#Кыскача яңалыклар 18 май 2017, 07:41

Татарстанда кер юу машиналары җитештерә башлыйлар

18 май 2017, 07:41

Кытай эшмәкәрләре Чаллыны үз иттеләр. Биредә "Ефәк юлы" исемле бу ил эшкуарларының базары эшли. Суыткычлар җитештерә торган "Хаер" заводы ныклы адымнар белән уңышлы нәтиҗәләргә ирешә.

Скопировать ссылку

Инде кытайлылар Чаллыда кер юуу машиналары җитештерә башларга ниятлиләр, дип яза "Шәһри Чаллы". Ул 2018 елда ачылып эшли башларга тиеш. Хәзер булачак конвейр урынын әзерләү бара. Кер юу машиналары, суыткычлар кебек үк, Чаллыда - әзер детальләрдән җыелачак.

Моннан тыш кытайлылар үзләре җитештергән көнкүреш техникасын сату өчен махсус сәүдә үзәген ачарга җыеналар. Тиздән Пекиннан автокалага күпсанлы делегатция килүе көтелә.

Кытай инвесторларының Татарстанда җитештерү предприятиеләрен ачу халыкны эш белән тәмин итүдә зур әһәмияткә ия.