#Кыскача яңалыклар 22 март 2018, 08:50

Татарстанда хатын-кызны бүлешә алмау җинаятькә илтеп җиткергән

22 март 2018, 08:50

18 мартта Казанның Дементьев урамындагы янгынны сүндергәннән соң, анда 46 яшьлек ир һәм 41 яшьлек хатын-кызның мәетләре табылган.

Скопировать ссылку

Тикшерү барышында ир кешенең янгын чыгудан гына түгел, ә пычак кадаудан, ә хатын-кызның сөрем газыннан үлүе ачыкланган. Әлеге факт буенча тикшерү эшләре барышында, әлеге фаҗиганың ике сәбәпчесенең эзенә төшкәннәр.

Тикшерүчеләр фаразлары буенча, 1975 һәм 1981 елгы ир-атлар, әлеге фатир хуҗасы һәм бер хатын-кыз белән спиртлы эчемлекләр эчеп, кәеф-сафа корып утырганнар. Соңрак хатны-кызны бүлешә алмаган фатир хуҗасы белән "кунак" кеше низагка кергән. Нәтиҗәдә фатир хуҗасын пычак кадап үтергәннәр һәм ут төрткәннәр, ә бу вакытта йоклап яткан хатын-кыз төтен исенә айный алмый дөнья белән хушлашкан.
Хәзер әлеге факт буенча тикшерү эшләре дәвам итә.

Кызыклы яңалыкларны күзәтеп бару өчен безнең МАХ каналына кушылыгыз.