Татарстанда 2023 елның 31 августыннан соң Россия Кораллы Көчләрендә хәрби хезмәт үтү турында контракт төзегәннәр өчен 305 мең сум күләмендә бер тапкыр бирелә торган түләү билгеләнгән.
Республиканың җитәкчесе Рөстәм Миңнеханов шундый указга кул куйган.Татарстан территориясеннән Россия Кораллы Көчләренә мобилизация буенча чакырылган; хәрби комиссариатларда яки республиканың хәрби частьләрендә контрактлар төзегән чакырылыш буенча хезмәткә җибәрелгән кешеләргә түләүләр каралган.
Түләүне гамәлгә ашыру тәртибен раслау һәм финанслауны тәэмин итү Татарстан Министрлар Кабинетына йөкләнелде. Указ 26 октябрьдә үз көченә керә һәм 31 декабрьгә кадәр гамәлдә.
Шулай ук Украинада махсус операциядә катнашу өчен хәрби хезмәт үтү турында контракт төзегән казанлыларга бер тапкыр бирелә торган түләүне гамәлгә ашыру вакытын 1 ноябрьгә кадәр озайтырга планлаштыралар.
Казан хакимияте 2023 елның октябрендә Россия Кораллы көчләре белән контракт төзеп, махсус хәрби операциядә катнашучыларга 200 мең сум күләмендә түләүне раслады. Карар документлар һәм хокукый актларның яңа җыентыгында басылып чыккан.
«Махсус хәрби операциядә катнашу максатыннан Россия Кораллы Көчләрендә хәрби хезмәт үтү турында контракт төзегән Россия гражданнарына бер тапкыр бирелә торган акчалата түләү бирү тәртибен расларга», — диелә документта.
Карарга кушымтада бер тапкыр бирелә торган түләүнең күләме 200 мең сум дип төгәллек кертелә. Аны Казанда урнашкан хәрби комиссариатларның берәрсенә мөрәҗәгать иткән һәм махсус хәрби операциядә катнашу максатында контракт буенча хәрби хезмәткә сайлап алу пунктында (1 разряд) Россия армиясендә хәрби хезмәт үтү турында контракт төзегән гражданнар ала алачак. Моннан тыш, түләүләрнең 11-25 октябрьдә контракт төзегән гражданнарга бирелүе әйтелә.
Сентябрь аенда Татарстан хакимиятләренең махсус хәрби операциядә катнашучылар арасында балалар өчен бер тапкыр бирелә торган 20 мең сум күләмендә түләү ала торган затлар даирәсен киңәйтү мәсьәләсен каравы билгеле булды. Исегезгә төшерәбез, контракт буенча хәрби хезмәткә сайлап алу пунктына көн саен республиканың 30-40 кешесе мөрәҗәгать итә.
Шулай ук июнь аенда хәбәр ителгәнчә, махсус хәрби операция бурычларын үтәгәндә һәлак булган волонтерларның гаиләләре аларның статусын һәм ташламалар һәм түләүләр хокукын раслаучы таныклыклар ала алачак.
Кызыклы яңалыкларны күзәтеп бару өчен Телеграм-каналга кушылыгыз.
Комментарийлар