#Кыскача яңалыклар 14 май 2020, 12:35

Татарстанда мең ярым социаль объект 4G-интернетка тоташтырыла

14 май 2020, 12:35

"Мәгълүмати икътисад" милли проекты кысаларында Татарстанда 3 460 социаль әһәмиятле объектны интернетка тоташтырачаклар.

Скопировать ссылку

Исемлектә - ФАПлар, мәктәпләр, көллиятләр, янгын сүндерү частьлары. Бу хакта ТР Министрлар Кабинеты сайтында хәбәр ителә. Быел 613 учреждениедә интернет үткәргеч уздырачаклар. Ярты меңгә якын оешма югары тизлекле интернетка керү мөмкинлеге белән тәэмин ителгән инде.

4G технологияләрен кулланып, объектларны тоташтыру эшләре дәвам итә - аңа 1 547 объект тоташтырылачак. Татарстан өй интернетын кулланучылар саны буенча (Мәскәү һәм Санкт-Петербургтан соң) өченче урында тора. «Цифрлы икътисад» милли проекты РФ Президенты Владимир Путинның «май указлары» нигезендә эшләнгән.

Кызыклы яңалыкларны күзәтеп бару өчен безнең МАХ каналына кушылыгыз.