Татарстанда методик эшләнмәләр конкурсына гаризалар кабул ителә башлады

Конкурс алдынгы педагогик тәҗрибәне, перспективалы идеяләрне, инновацион тәҗрибәләрне һәм шулай ук Алдынгылар хәрәкәтенең беренчел бүлекчәләрендә тәрбия эше программаларын өйрәнүгә һәм таратуга юнәлдерелгән. Ул 1 октябрьдән 15 ноябрьгә кадәр узачак.

Конкурста Татарстандагы Алдынгылар хәрәкәтенең беренчел бүлекчәләре кураторлары һәм остазлары катнаша ала. Шәхси һәм коллектив эшләр кабул ителә. Барлык катнашучыларның да будьвдвижении.рф сайтында теркәлгән булуы мөһим.

Конкурс өч номинациядә уздырыла:

1. «Дәрестән тыш эшчәнлектә Алдынгылар хәрәкәтен үстерүгә юнәлдерелгән иң яхшы авторлык программасы»;
2. «Алдынгылар Хәрәкәтенә укучыларны җәлеп итү һәм чараларны оештыруда иң яхшы практика»;
3. «Балалар һәм яшьләр хәрәкәтен, остазлыкны үстерү буенча иң яхшы мәкалә яки язма».

Оештыручылар - Татарстандагы Алдынгылар хәрәкәтенең төбәк бүлеге, ТР Яшьләр эшләре министрлыгы һәм ТР Мәгариф һәм фән министрлыгы.