Татарстанда сыерларны вәхшиләрчә «КАМАЗ»дан бушатучылар эшләреннән куылган (ВИДЕО)

Гадәттә, мөгезле эре терлекне күчерү өчен махсус трап кулланыла. Ә видеода терлекләрне йөк машинасыннан утын бушаткандай төшерәләр: сыерлар, бозаулар берсе өстенә берсе төшә, егылалар, торып китә алмыйлар. Социаль челтәрләрдә, бу вәхшилеккә канәгатьсезлек белдереп, фикерләрен белдерүчеләр дә булды. Эш хәтта прокуратурага барып җитте. Татарстан прокуроры Илдус Нәфыйков бу вакыйга буенча тикшерү үткәрергә йөкләгән, дип хәбәр итә «Татар-информ». Сыерларны җәберләүче кешеләр эшләреннән азат ителгән. Агрофирманың генераль директоры урынбасары Ирек Ягъфәров, бер хайванга да зыян килмәгән, дип ышандыра.