Татарстанда табиблар хатасын ачыклау өчен мәетне кабердән кире казып алганнар
Чистайда судмедэкспертиза үткәрү өчен 58 яшьлек пенсионер әбинең мәетен эксгумацияләгәнннәр. Карчык эчәге язвасыннан интегеп, быелның 12 июнендә Чистай үзәк хастаханәсендә җан биргән. Тикшерү комитеты табибларны дөрес диагноз куймыйча, вакытында ярдәм күрсәтмәүдә гаепли.
Чистайда судмедэкспертиза үткәрү өчен 58 яшьлек пенсионер әбинең мәетен эксгумацияләгәнннәр. Карчык эчәге язвасыннан интегеп, быелның 12 июнендә Чистай үзәк хастаханәсендә җан биргән. Тикшерү комитеты табибларны дөрес диагноз куймыйча, вакытында ярдәм күрсәтмәүдә гаепли.
Лайфка мәрхүмәнең кызы сөйләве буенча, терапевт карчыкка хроник гастрит диагнозы куеп, өенә кайтарып җибәргән. Бу вакытта инде әби авыртуга түзә алмыйча, йөри алмаслык хәлгә җиткән.
Медиклар фикеренчә исә, мәрхүмәнең язвасы үләренә биш сәгать алдан кинәт кенә ачылган.
Хәзер Тикшерү комитеты эксгумация һәм судмедэкспертиза нәтиҗәләрен көтә.
Фото: vk.com Чыганак: matbugat.ru
Кызыклы яңалыкларны күзәтеп бару өчен Телеграм-каналга кушылыгыз.
Комментарийлар