#Кыскача яңалыклар 03 май 2020, 15:22

Татарстанда "таҗлы вирус"ка диагностика ясау өчен 5 мини-лаборатория сатып алынган

03 май 2020, 15:22

Татарстан хакимияте коронавируска ашыгыч диагностика ясау өчен биш мини-лаборатория сатып алды. Бу хакта Татарстан Республикасы буенча Россия кулланучылар күзәтчелеге җитәкчесе Марина Патяшина докладында әйтелә.

Скопировать ссылку

Татарстанда "таҗлы вирус"ка диагностика ясау өчен 5 мини-лаборатория сатып алынган

Татарстан Республикасында гигиена һәм эпидемиология үзәге лабораториясендә тестларның 46%ы үткәрелгән, саннар белән исәпләгәндә бу 24,6 мең тәшкил итә. Бюджет медицина учреждениесендә шундый тикшерүләр саны- 26 меңгә якын (48%), «Ситилаб» һәм «Биомед»да - 6% (якынча 3,5 мең тикшеренү) исәпләнә.

Шулай ук әлеге чирне ачыклаучы тестларны хәзер "МКДЦ" ДАУЗ һәм УФСИН лабораториясендә дә үткәрәләр.

Якын арада шундый тикшеренүләр 7нче номерлы Шәһәр клиник хастаханәсендә, "Татнефть" медицина-санитар үзәгендә һәм Чаллыдагы "Дентал форте лаборатория -2" оешмасында да җайга салыначак.

Татарстанда тәүлегенә 3 меңнән артык шундый тест үткәрелә.

Кызыклы яңалыкларны күзәтеп бару өчен безнең МАХ каналына кушылыгыз.

#коронавирус