#Кыскача яңалыклар 11 сентябрь 2022, 17:50

Татарстанда тавыш бирүләр ничек уза?

11 сентябрь 2022, 17:50

15.00 сәгатьтә Татарстанда җирле үзидарә вәкиллекле органнарын өстәмә сайлауда тавыш бирү хокукы булган гражданнарның яртысы диярлек катнашкан. Бу хакта ТР Үзәк сайлау комиссиясенең Telegram-каналында хәбәр ителә.

Скопировать ссылку

«"Сайлаулар" дәүләт автоматлаштырылган системасы мәгълүматлары буенча, 15.00 сәгатькә Татарстан Дәүләт Советы депутатларын өстәмә сайлауда тавыш бирүчеләрнең активлыгы – 13,62, җирле үзидарә вәкиллекле органнары депутатларын өстәмә сайлауда 49,59 процент тәшкил итте», - диелә хәбәрдә.

Республикада Казан территориясендәге ике округта Татарстан парламенты депутатларын, шулай ук 39 районда җирле үзидарә вәкиллекле органнары депутатларын өстәмә сайлаулар уза. ТР башкаласында сайлау участоклары иртәнге 7дә ачылды. Бердәм тавыш бирү көне Россия һәм Татарстанның дәүләт гимннарын башкару белән башланды, дип яза Татар-информ.

Кызыклы яңалыкларны күзәтеп бару өчен безнең МАХ каналына кушылыгыз.