#Кыскача яңалыклар 10 декабрь 2018, 10:23

Татарстанда торак кадастр бәясе белән килешмүчеләр саны арткан

10 декабрь 2018, 10:23

2018 елда татарстанлылар 140 миллион сум күләмендә торак кадастр бәясе белән килешмәгән.

Скопировать ссылку

2018 елда татарстанлылар 140 миллион сум күләмендә торак кадастр бәясе белән килешмәгән.

Дәүләт теркәве, кадастр һәм картография федераль хезмәтенең ТР буенча идарәсе җитәкчесе урынбасары Артем Костин «Татар-информ» агентлыгына биргән интервьюсында шулай дип белдергән.

«2018 елда күчемсез милек объектларының кадастр бәясе 140 миллион сумга диярлек кимегән», - дип искәртте Артем Костин.

Ел башыннан алып Дәүләт теркәве, кадастр һәм картография федераль хезмәтенең ТР буенча идарәсе каршындагы махсус комиссиягә 1000нән артык гариза килгән. Комиссия шуларның 200дән артыгын караган, ә калганнары, гариза бирүчеләр гамәлдәге закон кысаларында карау өчен кирәкле документларның тулы булмаган комплектын тапшырганлыктан, кире кагылган, дип хәбәр итте ул.

Аның сүзләренчә, егермегә якын гариза аларны тапшыручылар файдасына яңадан каралган.

Кызыклы яңалыкларны күзәтеп бару өчен безнең МАХ каналына кушылыгыз.