Татарстанда Украинада һәлак булган 24 яшьлек ефрейтор Андрей Кульметьев белән хушлаштылар

Украинадагы махсус операция вакытында батырларча һәлак булган 24 яшьлек ефрейтор Андрей Кульметьев белән хушлаштылар. Геройны Нурлат шәһәрендә җирләделәр.

Андрей Кульметьев Кече Камышлы авылында туган. Ул Россия кооперация университетын тәмамлаган, контракт буенча хезмәт иткән. Хушлашу тантанасында аның әти-әнисенә үлгәннән соң Кульметьевка бирелгән Батырлык орденын тапшырдылар.
Герой белән хушлашырга йөзләгән райондашлары килгән иде.