Татарстанда урманда югалган 83 яшьлек бабайны эзлиләр

Лаеш районында урманда олы яшьтәге ир-ат югалган, дип хәбәр иткән «Татар-информ» мәгълүмат агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәте. Бу хакта мәгълүмат Лаеш районы буенча Эчке эшләр министрлыгы бүлегеннән килеп ирешкән. Ачыкланганча, ир-ат Альцгеймер авыруыннан интеккән. Казаннан эзләү-коткару төркеме хезмәтәрләре ир-атны эзләүгә керешкән.