#Кыскача яңалыклар 16 апрель 2021, 15:33

Татарстанда волонтерлар югалган 12 яшьлек укучыны эзләргә чыкты

16 апрель 2021, 15:33

Түбән Камага Лениногорск, Бөгелмә, Яр Чаллы һәм башка район волонтерлары 15 апрель көнне өеннән чыгып китеп, кире әйләнеп кайтмаган 12 яшьлек мәктәп укучысы Данил Редюковны эзләргә килгән.

Скопировать ссылку

Хәзерге вакытка кадәр баланың кайдалыгы турында берни дә билгеле түгел. Эзләүләр инде 16 апрельдә иртәнге 4 тән үк алып барыла. Волонтерларның беренче төркеме әлегә өенә кайтып киткән, урынга тагын икенче төркем чыккан. Укучының билгеләре: буе 125 см, ябыграк гәүдәле, коңгырт-сары чәчле, коңгырт күзле. Малай караңгы соры куртка, куе зәңгәр чалбар, кара ботинка кигән. Үзе белән рюкзагы да булган.