Татарстанда юл һәлакәтендә 5 кеше зыян күргән, аларның 3се - балалар

12 нче модель "Лада" алдагы транспортны узып китү вакытында каршы як полосага чыга, анда "Дэу Матиз" га килеп бәрелә. Аның артыннан ук "Лада Приора" хәрәкәт иткән була. Бәрелүдән "Лада"ның көпчәкләре чыгып, "Приора"ның алгы тәрәзәсенә керә. Бәхеткә, ул пассажирларга тими.

Авария нәтиҗәсендә биш кеше зыян күргән, шулар арасында 3, 6 һәм 9 яшьтәге өч бала һәм ике машина йөртүче бар. Бөтен зыян күргән кешеләрне төрле дәрәҗә авырлыктагы имгәнүләр белән шәһәр хастаханәсенә илткәннәр.

^{Татар-информ}