#Кыскача яңалыклар 26 декабрь 2020, 13:21

Һәлакәт урыныннан качкан машина йөртүчене тотканнар

26 декабрь 2020, 13:21

Татарстанда ЮХИДИ хезмәткәрләре җәяүлене бәрдергән һәм каза урыныннан качып киткән машина йөртүчене тоткарлаган. Бу хакта ТР буенча Эчке эшләр министрлыгында хәбәр иттеләр.

Скопировать ссылку

Әлеге хәл 18 декабрьдә 16:30 сәгатьтә М-7 «Волга» автомобиль юлының 11 нче чакрымында, төгәлрәге Минзәлә районының Яңа Мөлкән - Дусай-Кичү авылында булган. Машина йөртүче 50 яшьлек ир-атны бәрдерә һәм фаҗига урыныннан кача, ә җәяүле алган тән җәрәхәтләреннән вафат була.

Һәлакәт урынында автомобильнең алгы бамперыннан кыйпылчыклар табылган, нәкь менә алар машинаның марка һәм моделен ачыкларга мөмкинлек биргән. Видеокамералар ярдәмендә "ВАЗ-2114" табылган.

Машина йөртүче Яр Чаллыда яшәүче 48 яшьлек ир булып чыга. Аны тоткарлыйлар, хәзер аңа 12 елга кадәр ирегеннән мәхрүм ителү яный, дип хәбәр итә ТР Эчке Эшләр министрлыгы матбугат хезмәте.

Кызыклы яңалыкларны күзәтеп бару өчен безнең МАХ каналына кушылыгыз.

#ЮХИДИ #дтп