Татарстандагы тарифлар ничә процентка артачак?

Алексей Валерьевич сүзләренчә, быел Татарстанда торак-коммуналь хезмәтләр өчен түләү күп дигәндә 4,4 процентка артачак. 

“Барлык коммуналь хезмәтләргә дә безнең бәя арту лимиты бар. Быел бу 4,4 процент. Аерым карарлар нигезендә бу чикне өстәмә 3 процент итү мөмкинлеге бар”, - диде Премьер-министр. 

Тарифлар максималь рәвештә Татарстанның 60 муниципалитетында артачак. Бигрәк тә чүп түгүгә бәяләр үсә, ди Песошин. Калган 853 муниципалитетта яшәүчеләр җиңел сулый ала: аларда тарифлар арту 4,4 проценттан узмаячак.