Татарстанга гриппка каршы 570 мең доза «Совигрипп» вакцинасы кайтарылган

Татарстанга федераль бюджет акчалары хисабына Совигрипп" гриппына каршы өлкәннәр өчен 569 мең 500 доза вакцина кайтты, дип хәбәр итә Кулланучылар хокукларын яклау һәм кеше иминлеге өлкәсендә күзәтчелек федераль хезмәтенең Татарстан буенча идарәсе матбугат хезмәте.

Вирус сөйләшкәндә, ютәлләгәндә һәм төчкергәндә күчә. Халык күп җыелган урыннарда, кешеләр белән аралашуда, хезмәт коллективларында вируска тиз арада таралу өчен мохит бик уңай.

Грипп сөйләшкәндә 2 - 3 метр аралыктан һава юлы белән, ютәлләгәндә һәм төчкергәндә 6 - 8 метрдан күчә. Эпидемия чорында предприятиеләрдә 40 процентка кадәр хезмәткәр авырый. Грипп белән чирләүче коллективның 50 процентын зарарларга мөмкин. Грипп белән чирләгәндә хезмәткәр эш урынында 7дән 10 эш көненә кадәр булмаска мөмкин.