Татарстанлылар – Россия лидерлары арасында

«Россия лидерлары» бәйгесе «Россия – мөмкинлекләр иле» ачык платформасы һәм Россия Президенты Владимир Путин указы белән төзелгән, берничә мөстәкыйль проектны берләштергән флагман проекты булып тора. Быелгы бәйгенең төп үзенчәлеге – финалга чыгу өчен бәйгедә катнашучыларга «Лидер йөрәге» биреме кысаларында социаль проект әзерләргә кирәк булган. Шул рәвешле конкурс финалына республикадан «Түбән Кама икмәк комбинаты» җәмгыятенең генераль директоры Рөстәм Абдуллин, «СтандартПроект» зур күрсәткечләр бүлеге башлыгы Рөстәм Гомәров, Республика клиник онкология диспансеры баш табибы урынбасары Владимир Жаворонков, «Бипиум» җәмгыяте генераль директоры Виктор Никитин һәм «Алабуга» икътисади зонасының персонал сайлап алу проекты җитәкчесе Игнат Петухов чыкканнар.

Рөстәм Миңнеханов аларны җиңүләре белән котлады һәм бәйгенең йомгаклау этабында да уңышлар теләде. Президент әйткәнчә, «Россия лидерлары» бәйгесендә Татарстан данын яклаячак финалистларга белем алуда, һөнәри үсештә республика ярдәм күрсәтәчәк. Шулай ук Рөстәм Миңнеханов финалчыларны Татарстан Президенты кадрлар резервына кертү турында карар бирде, дип хәбәр ителә Татарстан Президентының рәсми сайтында.

Финал 13-17 мартта Сочида узачак. Аның йомгаклары буенча Россиянең 100 лидеры билгеләнәчәк.