#Кыскача яңалыклар 12 май 2021, 10:00

Татарстанның баш автоинспекторы: «2021 ел башында республика юлларында 990 юл-транспорт һәлакәте булды»

12 май 2021, 10:00

Барлыгы дүрт ай эчендә юл фаҗигаләрендә 58 кеше һәлак булган.

Скопировать ссылку

Барлыгы дүрт ай эчендә юл фаҗигаләрендә 58 кеше һәлак булган.

Агымдагы елда Татарстан юлларында 990 юл-транспорт һәлакәте булган. Бу хакта республиканың баш дәүләт автоинспекторы Ленар Габдрахманов хәбәр итте. Аның сүзләренчә, 2021 елның дүрт аенда гына аварияләрдә 58 кеше һәлак булган, ә аларда 1,2 меңнән артык татарстанлы зыян күргән. Салмыш хәлдә идарә итүче йөртүчеләр гаебе белән юл-транспорт һәлакәте саны 36 тәшкил иткән, аларда 50 кеше зыян күргән һәм өч кеше һәлак булган. 9-10 майда гына да республикада автоинспекторлар 12 исерек машина йөртүчене тоткарлаган. Шул ук вакытта узган ел белән чагыштырганда һәлак булучылар һәм зыян күрүчеләр саны кимегән.

Фото: https://16.мвд.рф/

Кызыклы яңалыкларны күзәтеп бару өчен безнең МАХ каналына кушылыгыз.

#дтп