Татарстанның бер районында хәрбиләр өчен 80 кг чәк-чәк әзерләгәннәр

Малосунь мәктәбе базасында махсус хәрби операция зонасындагы хәрбиләр өчен чәк-чәк җитештерү буенча кондитер цехы ачылган. Җитештерүдә өч дистәгә якын хатын-кыз эшли. Хуҗабикәләр 80 килограмм милли тәм-том әзерләгәннәр. Чәк-чәкне 200 порциягә бүлеп, контейнерларга салганнар. Ябык савытта тәм-том озак саклана ала, шуңа күрә яу кырына илтеп җиткерү турында борчылырга кирәкми.