#Кыскача яңалыклар 26 июнь 2020, 11:18

Татарстанның күпфункцияле үзәкләре өч яңа хезмәт күрсәтә башлады

26 июнь 2020, 11:18

Хәзер аларда күпбалалы гаилә таныклыгын яисә аның күчермәсен бирүгә, «Хезмәт ветераны» һәм «ТР хезмәт ветераны» таныклыгын алуга, шулай ук республика акчалары исәбеннән дәүләт ярдәме күрсәтүгә гариза язарга мөмкин.

Скопировать ссылку

Ярдәмгә мохтаҗлар да мөрәҗәгать итә ала бирегә, боларга җан башына уртача кереме республикада билгеләнгән дәрәҗәдән түбәнрәк кешеләр керә. Шулай ук авыр тормыш хәлендә калган гражданнарга да ярдәм күрсәтеләчәк. Мондый кешеләргә авыр дәрәҗәдәге хаста, стихияле бәла-казаларга дучар булганнар керә.

Татарстан территориясендә яшәүче Украинадан кайткан гражданнар өчен дә социаль ярдәм күрсәтеләчәк. Гариза теркәлү урыны буенча МФЦга тапшырыла. Соңгы өч айдагы керемнәр турында мәгълүматны, акчаларны күчерү өчен исәп-хисап счеты турында кәгазьләрне тапшырырга кирәк. Хезмәт күрсәтү 10 эш көне дәвамында, өстәмә тикшергән очракта - 30 көн эчендә башкарылачак.

Кызыклы яңалыкларны күзәтеп бару өчен Т елеграмга кушылыгыз.

#МФЦ