Татарстанның Табигать тарихы музеенда борынгы океан төбен күреп булачак

5 мартта 14.00 сәгатьтә Татарстанның Табигать тарихы музеенда "Борынгы аквариум" дигән яңа интерактив экспонаты тәкъдим ителәчәк.

Биредә борынгы океан төбен күреп булачак. Шулай ук динозаврлар барлыкка килгәнче безнең планетада яшәгән гадәти булмаган җан ияләре белән танышу мөмкинлеге тудырыла.

"Борынгы аквариум" проекты "EligoVision" компаниясе һәм Татарстанның Табигать тарихы музее хезмәткәрләре белән берлектә эшләнелгән. Әлеге проект Идел буе төбәкләрендә беренче тапкыр оештырыла, дип хәбәр ителә www.kazan-kremlin.ru сайтында.

^{Фото kazan-kremlin.ru сайтыннан алынды}