#Кыскача яңалыклар 07 апрель 2017, 13:39

Татфондбанк элеккеге җитәкчесе Роберт Мусинга карата тагын бер җинаять эше ачылды

07 апрель 2017, 13:39

Роберт Мусинга карата "Вазифадан авыр нәтиҗә бирерлек итеп явызларча файдалану" маддәсе буенча җинаять эше кузгатылган, - дип хәбәр итә "Татар-информ"га Россия Тикшерү комитетының республика идарәсе җитәкчесенең өлкән ярдәмчесе Андрей Шептицкий.

Скопировать ссылку

Җинаять эшен тикшерү вакытында гаепләнүченең тагын бер өстәмә җинаятьчел эшчәнлеге ачыкланган. Тикшерү версиясе буенча, Мусин һәм Татфондбанкның билгесез затлары, банкның түләргә мөмкинлеге булмавын һәм илнең Үзәк банкы лицензияне алырга мөмкин икәнен белеп, 2016 елның декабрендә "Урман" ҖЧҖнең Татфондбанктан 4 кредит алган вакытта залогка салган, барлыгы 847 миллион сумнан артык акча белән бәяләнгән милкен законсыз рәвештә залог булудан туктата. Килешүне туктату турындагы ялган документлар тутырыла. Залогка салынган мөлкәт башка клиент белән килешү төзүдә файдаланыла. Нәтиҗәдә кредиторларга кредит бирү буенча бурычлар һәм Үзәк банкка бурычлар үтәлми кала. Зыян 207 млннан артык сумны тәшкил итә.

Россия Тикшерү комитеты хезмәткәрләре элегрәк җинаять эшен "Татфондбанк" идарәсе рәисе, ТР Дәүләт Советы депутаты булган 52 яшьлек Роберт Мусинга "Аеруча зур күләмдәге акча урлау" маддәсе буенча ачкан иде.

Татар-информ