Төбәк җитәкчеләреннән 31 декабрьне ял ясауны сорыйлар
Иҗтимагый палата әгъзасы, “Аек Россия” җитәкчесе Солтан Хамзаев 31 декабрьне төбәкләрдә җитәкчеләр ял дип игълан итүен сорый.
Иҗтимагый палата әгъзасы, “Аек Россия” җитәкчесе Солтан Хамзаев 31 декабрьне төбәкләрдә җитәкчеләр ял дип игълан итүен сорый.
85 проценттан артык халык шундый теләктә икән. Моңа кадәр ЛДПР партиясенең 31 декабрьне ял ясау турындагы закон проектын Дәүләт Думасының пленар утырышында кире какканнар иде.
Баксаң, елның соңгы көненнән үк ял итә башлау инициативасын, халык фикерен исәпкә алып, инде 6 ел тормышка ашырырга йөриләр икән.
Хамзаев узган ел да шундый тәкъдим белән чыкты һәм Россиянең 15 төбәгендә яклау тапты. Бу исемлектә Кырым, Ставрополь һәм Краснодар крайлары, Пенза, Орлов, Магадан өлкәләре бар иде.
Кызыклы яңалыкларны күзәтеп бару өчен безнең МАХ каналына кушылыгыз.
Комментарийлар