Театрда һәр кеше ясарга мөмкин булган 10 хата
Театрда кешенең үз-үзен тотуы, аның ни кадәр тәрбияле икәнен күрсәтә! Танышларыгыз, сөйгән ярыгыз алдында оятка калмас өчен театрда үз-үзеңне тоту этикетын белергә кирәк.
Театрда кешенең үз-үзен тотуы, аның ни кадәр тәрбияле икәнен күрсәтә! Танышларыгыз, сөйгән ярыгыз алдында оятка калмас өчен театрда үз-үзеңне тоту этикетын белергә кирәк.
-
Театрга барганда күп итеп хуш-буй сибенмәгез! Залда бөтен исләр дә бергә кушыла, шуның аркасында башка кешеләрнең башы әйләнергә, аллергия кузгалырга мөмкин.
-
Этикет буенча хатын-кыз ир-атны театрга үзе беренче булып чакыра ала. Ләкин театрга кергәндә контроллерга билетларны бары ир кеше генә бирергә тиеш. Ул шулай ук театрга кергәндә һәм чыкканда хатын-кызга ишек ача.
-
Спектакльгә 20 минут алдан килергә кирәк. Театрга соңга калу әдәпсезлек. Театр хезмәткәрләре сезне спектакльгә антрактка кадәр кертмәскә тулы хокуклары бар!
- Театр гардеробтан башлана икәнен онытма! Ир кеше беренче булып хатын-кызга чишенергә ярдәм итәргә тиеш, соңыннан гына үзе өс киемен сала ала. Гардероб номерларын ул үзендә калдырырга тиеш. (Номерларны кулга тотып йөрергә дә ярамый, кесәгезгә салып куегыз!)
- Фоедагы көзгегә карап үзеңне тәртипкә китерү, чәчеңне тарау, макияжыңны төзәтү әдәпсезлек. Моның өчен хатын-кызлар бүлмәсе бар.
- Залга беренче булып ир кеше керә. Утырасы урынга юлны да хатын-кызга ул күрсәтә. Рәт арасыннан барган вакытта йөзең белән утырган кешегә таба борылырга кирәк. Кымачаулаганың өчен гафу үтенергә дә онытма! Үз урыныгызга барып җиткәч, ир кеше башта хатын-кызның утырганын көтә, соңыннан гына үзе утыра.
- Әгәр дә сезнең урын уртада икән, залга икенче звоноктан соң ук кереп утырыгыз. Кырыйда утырган кешеләр өченче звонокны көтәргә мөмкин.
- Авырыйсыз икән, спектакльгә баруны кичектереп торыгыз. Йөткерү, төчкерү актерларга да, тамашачыга да кымачаулый.
- Актерга чәчәкләрне сәхнәгә менмичә генә, баш игән вакытларында бирегез. Чәчәк бәйләмнәрен театр хезмәткәрләре аша да тапшырсагыз була.
- Гардеробта башта ир кеше киенә, анан ул хатын-кызга киенергә ярдәм итә.
Кызыклы яңалыкларны күзәтеп бару өчен безнең МАХ каналына кушылыгыз.
Вход на сайт
Язмага реакция белдерегез
Мөһим
-
#Киңәш сандыгы
Йөзем төнәтмәсе: бавырны чистартуның иң гади һәм файдалы ысулы
-
#Җәмгыять
Игезәк автомобильләр: машина хуҗаларына юридик киңәшләр
-
#Йолдызнамә
Сезнең юмор конфликтларга китерергә мөмкин: 20-26 мартка йолдызнамә:
-
#Хикәя
Бәхетсезлеккә бер адым: мәхәббәт өчпочмагында өзелгән язмышлар
-
#Дин
Ун телдә мең котлау: Ислам дине - дуслык дине
Комментарийлар