Төнлә ашарга яраткан кешенең хәтере начарлана

Генетик Дон Ло, Калифорния университетындагы хезмәттәшләре белән бергә, тычканнарда тәҗрибә уздырган. Ике атна дәвамында бер төркем тычканнарны төнлә: сәгать кичке тугыздан төнге өчкә кадәр ашатканнар, икенче төркемдәгеләренә иртәнге тугыздан соң гына ризык биргәннәр. Тәҗрибәдән күренгәнчә, тычканнарның төнлә ашатылганнарының тәүлек ритмы бозылган, шуның белән бәйле рәвештә, хәтерләрен тикшергән тестны да начар узганнар. Галимнәр сүзләренчә, төнге сменада эшли торган кешеләр интеллект биремнәрен начар чишә.