#Кыскача яңалыклар 11 июнь 2020, 16:51

ТР Дәүләт Думасы депутаты: Бәхетле балачакка дәүләтнең югары законында өстенлек бирелде

11 июнь 2020, 16:51

Айрат Фәррахов билгеләп үткәнчә, төзәтмәләр кертү белән, ата-аналар каравыннан мәхрүм калган балаларның конкрет проблемаларын хәл итү буенча тиешле карарлар кабул ителәчәк.

Скопировать ссылку

Дәүләт бәхетле балачакны үзенең өстенлеге дип игълан итте, ул Россия Конституциясенә төзәтмәләрнең берсендә бирелә. Мондый фикерне Татарстан Республикасыннан Дәүләт Думасы депутаты Айрат Фәррахов “Татарстан-24” телеканалында туры эфирда белдерде, дип хәбәр итә “Татар-информ” мәгълүмат агентлыгы. "Үзенең югары законында дәүләт - балаларны тәрбияләү, бәхетле балачакка, һәркем алырлык белем алу һәм балалар өчен мөмкин булган медицина ярдәменә өстенлек бирде. Әгәр баланың ата-анасы булмаса, гаиләсе булмаса, дәүләт аның алдында аерым йөкләмәләрне тәгаенли", - дип белдерде депутат һәм төзәтмәләр артыннан ата-ана каравыннан мәхрүм калган балаларның конкрет проблемаларын хәл итәчәкләрен өстәде.

Кызыклы яңалыкларны күзәтеп бару өчен безнең МАХ каналына кушылыгыз.

#Конституция