#Кыскача яңалыклар 27 декабрь 2019, 11:00

Транспорт картасына акчаны интернет аша салып була

27 декабрь 2019, 11:00

Казанда транспорт картасы балансын тулыландыруның «Кичектерелгән тулыландыру» өстәмә сервисы барлыкка килде. Хәзер шәһәрлеләр мөстәкыйль рәвештә интернет ярдәмендә транспорт картасына акча күчерә ала.

Скопировать ссылку

Казанлылар хәзер моны транспорт картасы рәсми сайты аша эшли ала. Моның өчен банк картасы мәгълүматларын кертергә һәм кирәкле сумманы күчерергә кирәк. Күчерү комиссиясез башкарыла.

Картада кертелгән акчаны активлаштыру өчен, пассажирның кондукторга «кичектерелгән тулыландыру» хезмәтеннән файдалануын хәбәр итүе кирәк. Кондуктор терминалны тулыландыру режимына күчерәчәк, шуннан соң пассажир картаны валидаторга куярга тиеш. Анда «ресурс тулыландырылды» дигән язу барлыкка киләчәк. Шуннан соң янә картаны терминалга куярга һәм юл өчен түләргә кирәк. Акча күчерелмәгән очракта, терминалда «тулыландыру башкарылмаган» язуы пәйда булачак.

Бу хезмәт барлык пассажирларга да, шул исәптән ташламалы категориягә караган гражданнарга да күрсәтелә.

Кызыклы яңалыкларны күзәтеп бару өчен безнең МАХ каналына кушылыгыз.

#Транспорт картасы