Төркиядә ял иткән вакытта үлүчеләр саны 88гә җиткән

Ял үзе яхшы нәрсә, ләкин кайчак ял итү, кайберләрнең соңгы сәфәренә әверелү очраклары да бар икән. Быел гына да Төркиядә ял вакытында 88 ватандашыбыз үлгән. Сәбәбе бик гади: климат алыштыру йөрәк, кан тамыры авырулары белән интегүчеләр өчен зарарлы. Безнекеннән нык аерылучы климатлы илгә баргач олы яшьтәге туристлар арасында инсульт һәм инфаркт кичерүчеләр еш очрый икән. Шулай ук суга батып үлүләр, ял итеп, игътибар киметү аркасында балалар үлеме очраклары да еш очрый.

Ни дисәң дә, Төркия Россия туристлары иң күп бара торган ил, икенче урында — Финляндия, өченче урында - Казахстан.