#Кыскача яңалыклар 03 сентябрь 2020, 11:14

Төркиядән кайтучылардан мазок алынган: нәтиҗәсе нинди?

03 сентябрь 2020, 11:14

Узган тәүлектә Татарстанда Covid-19 вирусын йоктыруның 28 яңа очрагы ачыкланган. Эпидемия башланганнан бирле республикада коронавирус йоктыруның 6591 очрагы теркәлгән.

Скопировать ссылку

Бу хакта бүген журналистлар өчен оештырылган матбугат очрашуында Россия кулланучылар күзәтчелегенең ТР буенча идарә җитәкчесе урынбасары Любовь Авдонина хәбәр итте. "Аэропортларда 45 очкыч тикшерелде, аларның икесе Төркиядән кайтты. 653 пассажирның 526сы – татарстанлылар. Барлыгы 6593 пассажир һәм экипаж әгъзалары тикшерелде, 494 кеше аэропортның үзендә коронавируска каршы мазок тапшырды. Вирус йоктыручылар теркәлмәде”, - диде ул.

ТР Сәламәтлек саклау министры урынбасары Владимир Жаворонков хәбәр итүенчә, якын арада Казанның 12нче хастаханәсендә коронавирустан дәваланган соңгы пациентлар чыгарылачак. “16нчы хастаханә өлешчә гадәти режимда эшли башлады”, - диде ул.

Статистика буенча, үзган тәүлектә 37 кеше коронавирустан дәваланган.

Кызыклы яңалыкларны күзәтеп бару өчен Т елеграмга кушылыгыз.

#Татарстан #Казан коронавирус #статистика