Тугыз катлы йортта янгын чыгу аркасында 13 кеше эвакуацияләнгән

Бу хакта Россия Гадәттән тыш хәлләр министрлыгының ТР буенча Баш идарәсе матбугат хезмәтендә хәбәр иттеләр. Ломжинская урамындагы 22 нче номерлы биек йортта янгын чыгуы турында хәбәр ашыгыч хезмәтләрне чакыруның бердәм номеры 112 аша керә.

Балкон һәм җиденче каттагы фатирның йокы бүлмәсе яна икән.  

Җиденче һәм сигезенче каттагы фатир балконнарына зыян килгән. Подъезддан 13 кеше, шул исәптән өч бала эвакуацияләнгән. Янгынның беренчел сәбәбе - ут белән саксыз эш итү.