“Тыныч зоналар”да сәгатенә 40 километр тизлек белән генә йөр

Кагыйдә буенча, кеше яшәгән пунктларда сәгатенә 60 километр тизлек белән генә хәрәкәт итү рөхсәт ителә. Тизлекне спидометр күрсәткечендә 20 шкалага арттырган өчен штраф салынмый башлаганнан бирле, кайбер шоферлар авыл арасын да югары тизлектә җилдерә. Кыскасы, ЮХИДИ хезмәткәрләре шәһәр урамнарын өйрәнеп, автомобильдә йөрүчеләргә аеруча сак булырга тиешле урыннарны билгеләгәннәр. Аларны "тыныч зоналар" дип атаганнар. Бу урыннарда 20 мартка кадәр сәгатенә 40 километр тизлек белән генә хәрәкәт итәргә ярый дигән юл билгеләре урнаштырырга җыеналар. Казанда шундый беренче билге аэропортка бару юлында, Оренбург тракты борылышында куелыр дип көтелә.

^{Фото: realnoevremya.ru}